وده تغرد /لكن الصوت مبحوح..!

ربي خلقني لك أنا بروح غيمه
......... والا انت ربي خالقك تسقي الروح

قبلك أنا كانت سمـاي بعتيمه
 ......... غــاايب قمرهــا ولابهـــا نجمه تلوح
مثل الصباح اللي تعذّر نسيمه
.......... أرضـه جفـــاف وذابله وين ماروح
تشكي ورودي من جروحٍ أليمه
........ ومن صوتها حسيت بـ آلاام وجروح
ذبلتْ على جال العذاب ونديمه
........ ذاقت من آهاته صواديف وشحوح
وطيوري أضحت مالها أي قيمه
......... صغيرهــا مابين الاسياج مطروح
أغصانها صارت بقايا لهشيمه
.......... وده تغــرّد لكن الصوت مبحوح
ومن يوم شفتك بي حيت ألف ديمه
.......... لين خفقت زخــاتها تحيي البوح
فيني ومنك أدفى علاقه حميمه
......... بقلوب خجلا تنبت الـورد ويفوح
وتهل قطرات الوفا والحشيمه
......... وبريحهـا ســر الهوا باات مفضوح
وعادت تغرد لك طيورٍ يتيمه
......... من فرحها طارت ولاعادت تنوح
تجمع مثــايلها وتحكي بصميمـه
........ وتقولك: لاتروح لاتروح لاتروح

.

.

ربمــاكانت تشبهني تلك الابيات