أمنيه ..}

ليتك بجنبي قريب ..
وليتني جنبك ..
......... وأغيب ..
تفتقدني ..وافقدك ..
وانثني عبرة وفـــاا ..
لاصحت يوم الجفـــاا ..
كل نبضٍ في ضلوعي ..من نظـر فيها..غفــــاا ..

منآهــآآ ..}

الا الفرااق ابعـد طوااريه ياصـاح

..........طــارٍ عليه العين مـااعزّ مـــاهــاا ..
يطـري عليّه من طـوااريه مـارااح

...........ويجتاحني خـوفٍ يعـوّد عنــااهــا ..
دنيـاٍ هدتنـي للبهـــــاذيـل مفتـــــااح

.........قبل التقي بكـ وآآآقف بوجه داهــاا ..
وقبل الهموم اللي على القلب تنزااح

...........تبرى الجروح اللي عسيـرٍدواهـاا ..
تلعبي أفكــااري كما لعب مسبـااح

..........واسج مع غيمٍ يروّوع سمـااهــــاا ..
لانيب لادالــــه ولانيب مرتـــــااح

..........لين اضمنه قربكـ وتضمن وفــااهاا..
واقف ولو جار الزمن مابعد طاح

.........قلبٍ يشووف من الولايف عطـاهـاا..
من لووعة أفكـاره تجرّع ولابـاح

............وصلٍ يـودّه لويسـبب جفـاهـــــــاا..
ياغايتـي فرقااكـ للعيـن فضـــــااح

...........ياستـــر عينٍ عينت بكـ منـــاهــــاا..

..{..خلني ..

لاقلت اببعد عنك وارجوك تنساني
...... خلني اكمل جنوني عقبها ..امسكني ..

اسأل عن اللي لدرب البعد وداني
...... واسأل وش اللي بقربك حيل مهلكني ..

لاتقول غيرك أو اني همت في ثاني
...... مــــافيه غيرك عليم الله.. يحركني ..

كم لي سنه في هجير الوقت وحداني
...... وكم واحدٍ مرّ لكن .!ماسكن ركني ..

اذكر حداهم يقول العشق عنّاني
....... ويرجي خفوقي يقول ارجوك شاركني .!

وكم لي سنه من عذابي وجرحي أعاني
....... اخطي دروب العنا وتخطي وتسلكني ..

قبلك رجيت الفرح يوم إنه خلاني
....... يامالك القلب وإحساسه ومالكني ..

شفتك وعشت أفراح كانت تعداني
...... تدري .! بقربك هموم الوقت تضحكني ..

لاقلت :أحبك تهيض بقلبي أشجاني
........ تبي الحقيقه.! أخاف بيوم تتركني ...!

محبتـــي

::..::

هذيآن ..!

 أيها الموغل صمتاً ؛
شتاءك طال ؛؛
أفتقد لهطولك ..!
ولا زالت تزدحم بداخلي عشرات الأسئله ؛؛
هل أنا طفلة حالمة .؟!
أنثى تهذي .؟!!
لاأبالي
فلا غاية لي سوى قطراتكـ
ارتوي بها
أغرق بها
ولتكن ميتةً أحلم بها
..}

..{ ماكن حظ عبدالله الا حظيظي..

بدايةً كتبت ماكتبته وأنا تحت تأثير أكثر من موقف

وقتها كنت اردد قال لي ماشفت عبدالله وياسلام.. للسندباد <<امزح

كنت اردد دنيـــاا حظوظ <<زينتيها يعني ..!

لاجينا للصدق كنت اردد مقطع لـفاارس  يقول:
حظي واعرفه زين مامرةً قد هان ..

يفرح بدمع العين لاهلّ بأوجاني..
<<بصراحه الكلمات قمه بس فيه ماجازلي كان ودي يقول يااهل الشماال من غير قصور في اهل الجنوب وتراني لامن الاولين ولا التالين عشان مااحد يقول تحيّز ..
لكن على قولتهم ..الروح نجديه وهواها شماالي <<حسيت إني مرااهق يكتب على جداار خخخ
المهم عن كثر الحكي وعشان ماانذبح..

إليكم ماجال بـ خويطري ..

7

7

في أحد الصباحات الماطره والأجواء براد يالله من فضلك ..

كان عبدالله جالس <<منسدح إذا تكلمنا بذمه

على فرااشه يتقلب يحااول ينام لكن النوم مفاارقه والسبب الأفكــار اللي توديه وتجيبه ومشكلة عقله إنه رااعي مسااري <<مو الكندي لا هذي كلمه عندنا يالبدو كنااية عن المشي تاالي الليل

ومازاالت الأفكاار شاغله عبدالله وكل ماحاول يمسك عقله ويركده شوي عوّد يلف ويدوووور كأنه مريض ..قلقان ..مضيع شي .. ..

وبالنهاايه نستنتج من حاصل جمييييييع ماكان يفكر فيه عبدالله ..طلّ ..

حتى إنه حااول يناام بدون هالعقل لكن كل ماجا يغفى تذكر المثل اللي يقول مالك الا خشمك لو كان عوج

أخيراً وبعد المحاولات الغير مجديه قرر عبدالله إنه يقووم يدور شي يسليه ..

دقاائق من الصمت اللي مايخربه الا صوت تصفح الجريده وخيّم الهدووء تخييمتن قشراا ..
انتهى عبدالله عند الصفحه الترفيهيه ..زااوية الصفحه ..
صوره وتعليق ..اكتب لناا عزيزي القارئ تعليقاً مناسباً لهذه اللقطه على الرقم أدنااه وسوف يتم نشر التعليقات في العدد القادم بإذن الله ..
كمـــا أننا نرحب بالصور التي يبعث بها الأصدقــااء ..
خذا جواله ودخل الرمز 12345<<وشوله حاطه اجل ..!
البارحه ونيت 50 ونه ولولا الحياا ونيت 51 / مملووح

<<جااري إرسااال السمااجـــه

وكتب الثااني

أتذكرك واذكر شقااي

واشتااق شوفك ..ياالـلعين ..

<< لآآخر مره جااري الارساال

منظر عبدالله اللي مايوحي بأنه يدور تحليل اقتصاادري أو خبر سياسي أو مستجدات رياضيه ..كان عبدالله أقرب إلى البلااده واللا مبالاة رغم أنه فيه من الذكـاء اللامحدوود مير لامنّه تكلم تقدر تثبت توقعااتك الأولى بدون أي تشكيك ..كل المحاولات والأبواب في الحصول على وظيفه انسدت بوجهه وهذا شي وااضح ..

طبعاً بعد ماتم تفنيشه من الوظيفه الأولى وكاان السبب طبعاً إنه وقف مع الحق لكن ضد رئيس اللجنه <<ومايحتاج أكمّل دام عرفنا ضد من ..!

وطبعاً عبدالله لازال أعزب وملحط بالبيت مع وخيّااته مهمته يعزر فيهن ..وأمه ماخطبت له ولاهيب نااويه بعد ..

نستنج مما كُتب أعلاه إن حيااة عبدالله مضيعه في مضيعه /ولاااشيء .!

ومرت سنيين وانتهى طاش ماطاش الجزءال 13ووصلو ال17

ولازاال عبدالله عااطل لاشغله ولا مشغلة ومابين هذي وذيك ..

دق جوااله ورد ..هااه

سعود :السلام على عباادي ..علوومك؟؟

عبدالله : انجــز

سعود :وين الله بيرزقك وانت ماغير زين خشه على قل سنع وشين نفسيّه بعد وياويلك لو تسكر ..
عبدالله : عقبه .!
سعود : طاالعين أنا و الشبااب مخيم قلناا تطلع توسع صدرك بدل مانت قاعد هناا لحالك..
عبدالله : طوووووووووووط
ويدق مره ثاانيه
سعوود: وش عندك؟!
عبدالله : يبيله شحن
سعوود:وش قلت
عبدالله : ماسمعتك وش كنت تقوول ؟!
سعود : قلت :طاالعين مخيم انا والشباب تطلع توسع صدرك معناا ..
عبدالله : سعيّد لاتحسبه يبيله شحن
طوووووووووووووووووط

قط الجواال جنبه والتفت يمينه يساره ماعيّن لاجريد/ مجله

تكااسل لايشغل التي في ..

قرر إنه يروح يآآخذ له لفه بهالشواارع ..

عند باب الشارع وصغاار الحاره متجمعين يلعبون كووره راح يمهم لكن من غير مايحسسهم وطبعاً عشان ماينحاشون لانهم متعودين منه يآآخذ كورتهم والمشكله إنه مايلعب بس من باب النذاله ..

وكالعااده خذا الكووره وهجموو يبون يردونهاا المساكين <<عندهم أمل
وطبعاً ماامدا أقربهم يفتح فمه الا وغباار عبوود يعجعج .! رااح يركض وماانتبه للطريق الا وهذيك السيااره اللي .. ....!!!

ثلاث شهور غيبوبه كانت كفيله بفرمتت ذاكرة عبدالله

صحى وجته النيرس وطلبت اهله اللي جميعهم درو واقتنعو باللي صار له الا هو يدربي راسه ولايدري وين ربي حااطه ..

عرفه اخوه على اهله وطلع من المستشفى وكان قمه بالهدووء ..

جا اخوه بعد كم يوم وطلبه يجي للمجلس لان فيه واحد يبي يقابله ..

عبدالله :السلام عليكم
الرجال يفز ماتشوف شر شلونك اربك أحسن .؟!

عبدالله:لحظه ماعرفتك لايكون انت زوجتي خخخ
الرجال: اسمع ياعبدالله أنا ابي اعوضك عن اللي صار لك
وابيك تطلب اللي تبيه ..
عبدالله : افهم من انت أول .!!
الرجال : بصراحه أنا سبب كل اللي انت فيه الحين
عبدالله : يعني انت اللي صدمتني.!
الرجال: ومتحسف والله يااخوك
عبدالله : وش عليه متحسف انت إذا انا ماني متحسف وش تبي انت تتحسف.!
الرجاال : ابي تطلب واعوضك باللي تبيه ..
عبدالله: ابي اتوظف
الرجال : صار
عبدالله: وابي اتزوج
الرجال: جاك
تآآمر وباقرب وقت راح تتم كل امورك بإذن الله ..

مرّ الوقت وصار عبدالله شخصيه ثاانيه عقليته اسلوبه وهذا واضح من تعامله مع زوجته , أمه وعيااله ..

الحيااه صارت أجمل والدنياا ضحكت له والأياام تمر وكل يوم يكون الفرح فيه أكثر من اليوم اللي قبله ..

عند نفس الباب وبنفس الحااره وتجمع صغارهاا لنفس السبب ولكن هالمره كان عبدالله بيجيب ولده طبعاً لانه حريص عليه ولان بكره ورااه مدرسه وفجأه سيااره ثانيه وصاحبها بعد ثااني لكن الضحيه وااحد ..!

صحى من الغيبوبه واهله كانو حووله والدموع كانت التعبير السائد

عبدالله : الحين وشوله تبكون ليتني ماصحيت ياربي لك الحمد..

سعود: حمدالله ع السلامه ياابوعلااوي

عبدالله: أي علي انت ووجهك وأنا شفت أمه عشان اشوفه .!!

سعود : علي ولدك يالدب ..لاحوول هذا وش يدبره الحين

عبدالله : اقول عطني الجريده اللي وراك وعطني جواالي مبطي عن صوره وتعليق

..

مااش والله ياابو علي اللي ماله حظ لايتعب ولا يشقى وااعزي لك

إن زان حظك فانت ابو علاوي وانت تردى تراك ماغير عبدالله ..

أخيراً

..

كثييراً مانلقي على عاتق هذه الكلمه أسباب لاحصر لهاا ..مع العلم إنه مافيه أمثله أو شواهد تثبت وجوده الا إنه موجود بكل المجتمعات تقريباً ..

لكن يبقى السؤال ..هو فعلاً فيه شي اسمه حظ أو هي صدف واقعيه أوجدنا منها هالمعنى ..
وهوفعلاً ممكن يخدمنا الحظ ..أو هو مجرد تبرير للفشله ..!!

..{ خلك معي رغم الملام ..

.. ليس خُروجاً عن المألوف ..بقدرِ ماهو احساس إجتاحهـ الخووف ..
,’

,’



بالله شـووف ..
كيف ..قربك مثل بعدك فيه خووف ..

مشاعري .. كل الغلا منكـ غزا واحتلهــاا ..
وادري الجروح الخالده ماغيرقربك حلهــاا ..
معك..عرفت ان الهوا معناه عند اللي هـواا ..
وإن السهر لو يتعبهـ يبقى بعينهـ له دواا ..
وشفني هويتك ياهواا وعفت الكــرى ..
ليلي ســرى ..
وجرحي برى ..
,’
بالله شـووف ..
كيف ..قربك مثل بعدك فيه خووف ..,’
,’
هونك علىّ وقودني لدربٍ سوي ..
لا لا تعشمني وترووح وتنزوي ..
ياما اشتعل حبك بقلبي ثم طفى ..؟!
كنــي اضم الثلج وادور دفــاا ..
اشعل الشمعه ولا ابيها تذووب ..
اكتسيت الخووف ثــوب..
خـووف عني حبـي تتوب ..
,’
بالله شووف ..
كيف ..قربك مثل بعدك فيه خووف ..,’
,’
مبطي قطعت انآ مع قليبي عهد ..
عقب الغدر حذرته لايعشق ابد ..
قلّي شسوي كان قلبي خانني ..
شافك ومن شاافك ابد مالامني ..
اماانتك لاتلعب بقلبي ..حراام ..
بدد عن عيوني الظلاام ..
خلك معي رغم الملاام ..
,’
ارجووكـ رووف ..
لان ..قربك مثل بعدك فيه خووف ..,’
,’

واقتربتـ ..!

يــاعين هلّي دمعكـ ولاتمليـــنـ ..

......... أدري طرالكـ شي هــز المحــااني .. !!


.
.


تكفى سؤالكـ لاتعيده على العين ..
........ هو من حداهـا للدموع وحدانــي ..
ودي انتناسى لكنـ شلون ومنين ..
.......... انسى وتنسى من نساكـ ونسانــي ..؟!!
 






واقتربتـ ..!!
فكان لي ملاذاً من الدنيا بأسرها ..!!

..{.. ادري ولا ادري ..!!

صــدق الشعـوور إذا تعانـد مع الخــووف والحيـره يبقى سجن الذكريات..مصيــره ..

؛

؛

أنا بين القسا واللين ..
واخاف اعيش مذبوحك..
طلبتك بس تطمني..
أنا وخافق رجاك أمرار..
أنا ادري غامض وضوحك..!
ولاادري بخافقي وش صار..؟!
ووصلك جـاير وقد جــار..
وأنا ماصار لي يومين..!؛
؛أحسك فيني من سنين..
أمل وآمــال مطروحك..
تخيلتك تعلمـنــي..
كيف تضوّي الانوار..!
لقيتك واقع بروحك..
واقع في جماله احتار..!!
عرفت أحيا أنا بمقدار..
وحزني لا أبد مايبين..؛
؛لكن وين روحي ووين..!
تسكن عالي صروحك..
ونار أشواقي تحرقني..
وأنا بردانه وانت النار ..
وانا موعدك وطموحك..
وااشوفكـ واقع وينهار ..
وأسامــر وحشة السمّـار..
بأحلامٍ تبكي العين..؛
؛وتوقض بين حين وحين..
جروحي لاغفت روحك..
وليلي حيل يوحشني ..
إذا جدّك نوى مسفار..
واذا يخلى من مزوحك..
وأخاف أعيش أنا بحصار..
سبايب وقتي الجبار..
ويشين الحال لوّه شين..!؛
؛وابقى في ذرى حلمين..
أكون بصمتك وبوحك..
وتقراني وتكتبني..
أنا مااقوى عناد أقدار..
وأعاند فرحي بجروحك..
واكتب في غلاك أشعار..
وحتى لو بقت اسرار..
يقربني القسا واللين ..!!

؛

..{.. جليد..!

ودي ابدا من جديد
لا.ماودي ابتدي
لكن ترى ماهو بيدي
ولا أنا صبري طويل

كم يبكي صمتي في الظلام
وسط الليالي البارده
وكم يجرح إحساسي هبوب
لاهو يميل ولاآميل
وبليلتي برد الجفـاا
احكي له الصمت الاليم
ولايسمع الا وحدتي
وذي عادته.!وذي عادتي.!

وكل ماانا احتجت لدفـا
يسقيني الهم الثقيل
لين اشتعل كلي حزن
ومن جمرة الآمي فتيل

هو ذنبي إن صمته ممات.!
أو ذنبي إن صمتي حياة.! !

ولاصار اهو منه الخطاا
وش ذنبي ادفعه الثمن.!!
من ياوطن.!
فيه احتمي
غير الشوارع و الرصيف
وين ارتمي .!وين ارتمي.!!
والبرد لضلوعي كفن
والواقع السجن المخيف
قيدني بدروب الزمن
وماوقفتْ جروحه نزيف
وادمى بها جسم النحيف

مااخطيت لا واللي خلق
لك داخلي حبٍ عفيف
صارت أمانيّه .. ورق ..
طاحت وضاعت /ياغصن
لان الليالي بارده
واضحت على جور الخريف

وباقي أملها /والالم
بتعيش دونه يوم عيد
وحتى ولو جرحي سلم
حزني ترى توه وليد.!

لايشح قلبك بالوفا
وارجوك لايطول الجفاا
مالي ترى غيرك دفـاا

وماابي أنا اصبح جليد
وماابي أنا اصبح جليد
وماابي أنا اصبح جليد


وماابي أنا اصبح جليد

اششش ..!!

جيت.! يسعدلي مسااك ..
تدري.! كنت آنا احتريك ..
بس لحظه ..
فيك شي ..
قول بسم الله عليك ..
: خاطري بالحيل ضاايق ..
وجيت محتااجك أبيك ..
: بس لحظه ..
لاتكمل ..
ممكن اغطي عيونك في يدي ..
: تشوفني .؟
: لا
طيب
غطهاا عيوني بيديك ..
مااشوفك ..
ادري لكن ..
يومك تغطي عيوني ..
قلت لي لامااشوفك ..
كيف دلتني كفوفك .!
اششش
لاترتب حروفك ..
تحسّ بي وأحس فيك ..
ايه كذا تضحك أبيك ..
واذكرك يومك تقول:
ماتبي غيري حبيب ..
خلني جنبك قريب ..
ودون ماادري احتريك ..
وقلبي يسمي عليك ..
.............
حتى لو تقسى ظروفي ..
ومثلها صارت ظروفك ..
مسكنك قلبي واجيك ..
ولاابتعدت بوسط عيني ..
وتحتريني..
واحتريك..
........

كيف.!

لا أعلم ..

 كيف سلب فكري وكذلك قلبي ومتى ..؟!!

ماأعلمه فقط ..


أنني بين يديه .!

..............فرفقاً بي وبهما ..!

..{.. اجمل قصدي ..

 

له ..وان كانتـ ليست بحاجة للتعبير..!
فهو تعبيرها وهو عبيرهاا ..!!


:




:

يـسـالـونـي يـاصـبـاحـي لــيــه انــــا اشــتـــاق لـضــيــاك ولـيــه انـــا مـــن دون خـلــي مـاابـيــك ومااشـتـهـيـك

مـــــادرو انـــــي سـهــيــرٍ /مـحـتـريــك وفـــــي رجـــــاك وكــــــم ســـنـــه وانــــــا انــتــظــر واتـــامـــل وارتــجــيـــك

ليـن جـا وقـت المغيـب اللـي عـن عيـونـي غـشـاك واحـتـوانــي واحـتـويــت هــمــوم قـلــبــي ودمـعـتـيــك

وماعرفـت شـروق شمسـك لا ولا النـور بسـمـاك لـيــن ماشـفـتـك حبـيـبـي وعفـتـهـا سنـيـنـي هـذيــك

الــلـــي حــتـــى فــرحـــي فـيــهــا / ماتـمـنـيـتـه بــــــلاك وان لـفــا لقـلـبـي بغـيـابـك قـلــت مـااظــن اهتـنـيـك

وكـل مايشكـي لـي قلـبـي قـلـت لــه خـلـه عـسـاك تـلـقـى خـيــره قـــرب حـزنــك لان غــيــره مـايـبـيـك

ولان قـلــبــي يـاحـبـيـبـي مــانــظــر لاحــــــدٍ ســــــواك فــي لـقـاك /وفــي بـعـادك بـــس جـالــس يحـتـريـك

افــرح لفـرحـك وانــا ادعــي ياعـسـى دايـــم هـنــاك واذكـرك ثـم اتخـيـل بسمـتـك ضحـكـك حكـيـك

ولـو تضيـق ازعــل واناالـلـي ماسعـيـت الا لـرضـاك كنـي الا اشـوف ضيقـك دمعـتـك صفـقـة يـديـك

مـاحـيـيـت الا بـوصـالــك ومـانـدمــت الا بـجــفــاك وماانـشـغـلـت الابـغـيـابــك ومـاولــهــت الا عـلــيــك

وماملكنـي الاحنـانـك وقــول احـبـك مــن شـفـاك وماوفـالـي غـيــر قـلـبـك وماضـمـيـت الا لمـجـيـك

ووالله ان اجـمـل قصـيـدي ان كتبـتـه فــي هـــواك ووالله ان قـلـبـي لـــو انـــك غـبــت عـنــه مـانـسـيـك

ووالله اني حرت ماادري ويش ابكتب في غلاك ان كتبـتـك تــاه شـعـري وان قريـتـك تـهـت فـيـك

احببتـ ألمهــا لـ روعتها ..

كان الاول والاقربـ من تصميمي

أخــااف ..!

يابعادك عن عيوني
يشبه جروحي الدفينه
ويشبه شعور الغبينه
ويمكن أشبه بالجفاف ..!
بس أنا ماعدت أخاف
دام كلك لي ..حنـاان
ودام قربك لي.. أمــان
ماعلى جروحي خلاف
ابتعد عني ورووح
عادي لو كلي جرووح
اترك إحساسك معايه

وأوعدك لا ..ماأخــااف

كالحلم.!

ولااذكر بيوم جاني شي يقواني

غير اربع حروف ٍ من لسانك تعذبني

.

.

كالحلم وأحرفكـ تسربت الى داخلي

فمُلأت ثغوري ..

أملاً

تفائلاً

فرحاً

تبسماً

وده تغرد /لكن الصوت مبحوح..!

ربي خلقني لك أنا بروح غيمه
......... والا انت ربي خالقك تسقي الروح

قبلك أنا كانت سمـاي بعتيمه
 ......... غــاايب قمرهــا ولابهـــا نجمه تلوح
مثل الصباح اللي تعذّر نسيمه
.......... أرضـه جفـــاف وذابله وين ماروح
تشكي ورودي من جروحٍ أليمه
........ ومن صوتها حسيت بـ آلاام وجروح
ذبلتْ على جال العذاب ونديمه
........ ذاقت من آهاته صواديف وشحوح
وطيوري أضحت مالها أي قيمه
......... صغيرهــا مابين الاسياج مطروح
أغصانها صارت بقايا لهشيمه
.......... وده تغــرّد لكن الصوت مبحوح
ومن يوم شفتك بي حيت ألف ديمه
.......... لين خفقت زخــاتها تحيي البوح
فيني ومنك أدفى علاقه حميمه
......... بقلوب خجلا تنبت الـورد ويفوح
وتهل قطرات الوفا والحشيمه
......... وبريحهـا ســر الهوا باات مفضوح
وعادت تغرد لك طيورٍ يتيمه
......... من فرحها طارت ولاعادت تنوح
تجمع مثــايلها وتحكي بصميمـه
........ وتقولك: لاتروح لاتروح لاتروح

.

.

ربمــاكانت تشبهني تلك الابيات