..{.. ادري ولا ادري ..!!

صــدق الشعـوور إذا تعانـد مع الخــووف والحيـره يبقى سجن الذكريات..مصيــره ..

؛

؛

أنا بين القسا واللين ..
واخاف اعيش مذبوحك..
طلبتك بس تطمني..
أنا وخافق رجاك أمرار..
أنا ادري غامض وضوحك..!
ولاادري بخافقي وش صار..؟!
ووصلك جـاير وقد جــار..
وأنا ماصار لي يومين..!؛
؛أحسك فيني من سنين..
أمل وآمــال مطروحك..
تخيلتك تعلمـنــي..
كيف تضوّي الانوار..!
لقيتك واقع بروحك..
واقع في جماله احتار..!!
عرفت أحيا أنا بمقدار..
وحزني لا أبد مايبين..؛
؛لكن وين روحي ووين..!
تسكن عالي صروحك..
ونار أشواقي تحرقني..
وأنا بردانه وانت النار ..
وانا موعدك وطموحك..
وااشوفكـ واقع وينهار ..
وأسامــر وحشة السمّـار..
بأحلامٍ تبكي العين..؛
؛وتوقض بين حين وحين..
جروحي لاغفت روحك..
وليلي حيل يوحشني ..
إذا جدّك نوى مسفار..
واذا يخلى من مزوحك..
وأخاف أعيش أنا بحصار..
سبايب وقتي الجبار..
ويشين الحال لوّه شين..!؛
؛وابقى في ذرى حلمين..
أكون بصمتك وبوحك..
وتقراني وتكتبني..
أنا مااقوى عناد أقدار..
وأعاند فرحي بجروحك..
واكتب في غلاك أشعار..
وحتى لو بقت اسرار..
يقربني القسا واللين ..!!

؛