أحلى صبااح اللي يجيبك على البال
.... يروي بضياك اللي ضمـا من شعوري..
لك
:صبحك بالخير يبه
:هلا ورا ماداومتي.؟
اليوم عندي off
:ونوره داومت.؟
:ايه راحت..
دخل المجلس وقفيت بدخل ..
:وقت
:لبيــه
:وينك رايحه.؟
:بدخل
:عندك شي .؟
:لا..
:ها تعالي قهويني وتقهوي معي ..
:ابشـــر
هدووء قطعه صوت قناة المرقاب ومحاضره لأحد الشيوخ عن المصائب ,أسبابها والصبر والاحتساب إذا ماوقعت وأخذ موضوع الصحبه وتأثيرها جانب منهاا..
تبسم ابوي وقال صدق من أول حتى الطفل يقرنونه باللي يماشيه
والشاب لامنه سوى شي أثر بربعه كلهم وسوو سواته
ولا وقْفت على من أول لليوم سمعتك من سمعة اللي مصاحبه وقال لي كذا موقف عن الصحبه
كنت مجرد مصغيه فالتفت لي
:ولاّ لا يابوك
:الا يبه معك حق خصوصاً إنها ممكن تأثر فيني بس البعض لامنك واجهتهم تجلس تبرر واذا
عجزت بالتبرير قالت عاجبها ..
ظحك وأنا ابتسمت مستغربه ..!!
فقال لي ياابوك هذا سواة اللي يقول
:لكلٍ شبيهٍ يطربه ..حتى الشبث والعقربه ..
تبسمت وطلبته يعيده
نشدني أول مره تسمعينه ولاّ جاز لك .!!
: كلهم يبـه
:ها قومي زودي القدوع وعوّدي اعيده لك
:طيب بس تكفى لاتكثر تمر يبه ..
: إن شاءلله..
فعلاً عمر الزمن ماتغيّر كان فيه أول صحبة مصلحه ولازالت كان فيه أول ناس تصدق وغيرها
تكذب ولازال الصادق موجود والكذاب بعد يعني الحكم بيكون ع الشخص نفسه بعيد عن وقته
وقرايبه وحتى أخوانه سواء كان طيّب أو خيّب ..!!
لكن بنفس الوقت أحس صعبه القى الانسانـ/ه اللي اجلس معها مثل ماأكون لحالي ..يعني اعتبرها
بمثابة نفسي وهالاحساس موجود فيني بهالوقت وكان عند ابوي من أول ..وهالنظره اشمل فيها الحب والصداقه لأن كلهم يمتلكون المشاعروالثقه والراحه وقد تشمل الأخوّه الا أنها تظل أعمق ..
مااقول الا الله لايحرمني من شوق و...
ويخلي لي هلي ولايخليني من صباحات ابوي وصباحاتـ/ك..
ليست هناك تعليقات:
إرسال تعليق